Լոս Անջելեսում 11 հրշեջներ ստացել են ուժգին այրվածքներ կրակը մարելու ժամանակ

Տասնմեկ հրշեջներ ստացել են ուժգին այրվածքներ շաբաթ Լոս Անջելես քաղաքում (Կալիֆոռնիա) խոշոր հրդեհը մարելու հետեւանքով։ Այդ մասին հայտնել է մեգապոլիսի հրշեջ ծառայության կապիտան Էրիկ Սքոթը մամուլի ասուլիսի ժամանակ, որը հեռարձակվել է NBC հեռուստաընկերության կողմից։

«Մենք ամբողջովին մարել ենք կրակի բռնկումը շուրջ երկու ժամվա ընթացքում։ Դա տեղի է ունեցել տեղական ժամանակով 20:08-ին։ Ցավոք, 11 հրշեջ ստացել է այրվածքներ»,-տեղեկացրել է Սքոթը։ Նրա խոսքով՝ բռնկման օջախը գտնվում էր ցածրահարկ կոմերցիոն շենքում, որտեղ պահվում էր դեղագործության համար նախատեսված յուղ։ «Այդ խոշոր արտակարգ պատահարի պատճառներն ու հանգամանքները պարզվում են»,-հավելել է նա, հաղորդում է ՏԱՍՍ-ը։

Ավելի վաղ Լոս Անջելեսի հրշեջ ծառայությունը հաղորդել է 10 տուժածների մասին։

Կրակը մարելու համար ակտիվացվել էր ավելի քան 230 հրշեջ ծառայող։