Վրաստանի 6 747 քաղաքացի վերադարձել է հայրենիք

Վրաստանում հայտարարված արտակարգ դրության պայմաններում իրականացրված հատուկ ուղևորափոխադրումների միջոցով՝ օդային ու ցամաքային ճանապարհով, ապրիլի 20-ի դրությամբ հայրենիք է վերադարձել 6 747 քաղաքացի: Ինչպես գրում է Aliq.ge-ն, տվյալները տարածում է Վրաստանի արտգործնախարարությունը։

Սրա հետ մեկտեղ, Վրաստանի դիվանագիտական ներկայացուցիչները արտերկրում օգնություն են ցուցաբերել երկրի 9 058 քաղաքացու:

Վրաստանի Արտաքին գործերի նախարարության կայքում COVID-19-ի տարածման պայմաններում արտերկրում գտնվող Վրաստանի քաղաքացիների օգնության մասին տեղեկությունը թարմացվում է ամենօրյա ռեժիմով:

Այս տվյալները երկու տիպի տեղեկություն են պարունակում՝ հայրենիք վերադարձող քաղաքացիների և արտերկրում օգնություն ստացած քաղաքացիների մասին վիճակագրություն:

Վրաստան վերադառնալու կամ օգնություն ստանալու համար քաղաքացին պետք է լրացնի էլեկտրոնային տեսքով հատուկ դիմում, որը հրապարակված է նախարարության կայքում: