Չնայած պատժամիջոցներին՝ Եվրոպան Իրան է ուղարկել բժշկական պարագաներ

Գերմանիայի ԱԳՆ-ն տեղեկացնում է, որ Իրանի հետ վճարումների համատեղ մեխանիզմի շրջանակում կայացել է առաջին գործարքը՝ շրջանցելով ամերկյան պատժամիջոցները և Իրան է ուղարկվել բժշկական պարագաների խմբաքանակ։ Այս մասին Yerkir.am-ը տեղեկանում է «ՌԻԱ Նովոստիից»։

«Ֆրանսիան, Գերմանիան և Միացյալ Թագավորությունը հաստատում են, որ առաջին տրանզակցիան տեղի է ունեցել Instex-ի միջոցով, ինչը թույլ է տվել Եվրոպայից Իրան բժշկական ապրանքների փոխադրումը։ Դրանք արդեն հասել են Իրան», - նշվում է հայտարարության մեջ։

Այս հայտարարությունից հետո ԵՄ պետությունները հայտարարել են Իրանի վնասների փոխհատուցման պատրաստակամության մասին և շրջանցելով ամերիկյան պատժամիջոցները՝ ապահովել առևտրի հնարավորություն։

Նշենք նաև, որ շաբաթներ առաջ ամերիկյան և աշխարհի մի շարք պետությունների հասարակական և քաղաքական գործիչներ կոչ էին արել ԱՄՆ-ին՝ չեղարկել Իրանի դեմ պատժամիջոցները՝ Իրանում ահագնացող կորոնավիրուսը կանխարգելելու ջանքերը չվնասելու համար։