Սամցխե-Ջավախքի եւ Ծալկայի ընդհանուր Առաջնորդական Փոխանորդի պատգամը ժողովրդին

Սիրելի հավատացյալներ,

Ստեղծված անելանելի և դժվարին այս շրջանում, երբ աշխարհը բարդ և մտահոգ օրեր է ապրում կորոնավիրուսի համավարակի պատճառով, մեր ամենքի պարտքն է գիտակցաբար մոտենանք ստեղծված իրավիճակին, որպեսզի կարողանանք հաղթահարել այս ամենը և վերադառնանք բնականոն մեր կյանքին։

Մեր հայրերի լույս հավատքով և Սուրբ Էջմիածնից ճառագող օրհնությունները միախառնելով մեր աղոթքներին պիտի զորավիգ ու անսասան պահեն մեզ։

Մեր կոչը և հորդորն է Ձեզ՝ խստագույնս պահպանել բոլոր ցուցումներն ու կանոնները, մեկուսացման այս շրջանը համարել իբրև ապաշխարության և խորհելու լավագույն ժամանակաշրջան։

Սիրելի հավատացյալներ, գալիք կյանքի լուսավոր օրերի խնդությամբ՝ ընդառաջ մեր Տիրոջ Հիսուս Քրիստոսի հրաշափառ հարության խորհրդին, եկեք միասնական ուժերով վերստին աղոթք բարձրացնենք և հայցենք բարեգութ Աստծո օրհնությունը՝ համայն աշխարհի համար, որպեսզի հնարավորինս շուտ աշխարհում տիրի առողջություն և համերաշխություն։

Աստված բոլորիս պահապան։

Մաղաքիա Վարդապետ Ամիրյան
Առաջնորդական Փոխանորդ