Սիրիահայ պատգամավոր Նորա Արիսյանը պարգևատրվել է երկրի մշակույթի նախարարի կողմից

Սիրիահայ պատգամավոր, ՀՅԴ անդամ Նորա Արիսյանն իր ֆեյբուքյան էջում գրառում է կատարել, որում շնորհակալություն է հայտնել Սիրիայի մշակույթի նախարարին՝ «Մշակույթը վերանորոգում է իր հաղթանակը» խորագրով փառատոնի բացման արարողության ժամանակ իրեն պարգևատրելու համար. հայտնում է Yerkir.am-ը:

Նա, մասնավորապես, նշել է. 

«Երախտապարտ եմ Սիրիայի մշակույթի նախարարությանն ու նախարար Մոհամմադ ալ Ահմադին, «Մշակույթը վերանորոգում է իր հաղթանակը» փառատոնին ինձ պարգևատրելու համար»:

Նշենք՝ Սիրիայի մշակույթի տարբեր բնագավառներում ունեցած իրենց ավանդի  համար պարգևատրվել են թարգմանիչներ, դերասաններ, նկարիչներ, այդ թվում՝ պատմաբան, թարգմանիչ, արևելագետ, արաբ գրողների միության անդամ և Սիրիա-Հայաստան բարեկամական խորհրդարանական հանձնաժողովի նախագահ, պատգամավոր Նորա Արիսյանը։