Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Իսպանիայի Վալենսիա նահանգում գտնվող Օնտինյենտ քաղաքի քաղաքային խորհուրդը հունվարի 30-ին ճանաչել է Հայոց ցեղասպանությունը: Այս մասին հայտնում է Diario Armenia պարբերականը՝ հղում անելով Վալենսիայում գործող «Արարատ հայկական միությանը»:
Նշվում է, որ Օնտինյենտի քաղաքային խորհուրդը դատապարտել է Օսմանյան կայսրության կողմից մարդկության դեմ իրականացված աննախադեպ հանցագործությունը և Թուրքիայի ներկա իշխանությունների ժխտողական քաղաքականությունը:
Քաղաքային խորհրդի 3 կուսակցություններից երկուսը (Լա Վալ էնս ունեյս և Կոմպրոմիս, ընդհանուր թվով՝ 19) կողմ, իսկ Ժողովրդական կուսակցությունը (2 ձայն) ձեռնպահ քվեարկեցին Արարատ Հայկական միության ներկայացրած միջնորդագրին: Օնտինյենտի իշխանությունը կոչ արեց Թուրքիայի և, մասնավորապես, Իսպանիայի իշխանություններին՝ ճանաչել Հայոց ցեղասպանությունը։
Արարատ Ղուկասյանն իր խոսքում նշեց, որ «այսօր պատմական օր է ոչ միայն հայ ժողովրդի և իսպանահայության, այլև Օնտինյենտ քաղաքի համար, որը լրացրեց 3 տասնյակից ավել քաղաքների շարքը, որոնք ճանաչել են XX դարի առաջին ցեղասպանությունը»:
Քաղաքային խորհրդի նիստին ներկա են գտնվել նաև հայկական միության նախագահ Արարատ Ղուկասյանը և Օնտինյենտում միության ներկայացուցիչ Լիլիթ Մալխասյանը:
Մինչ օրս Հայոց ցեղասպանությունը ճանաչել են Իսպանիայի ինքնավար համայնքներից հինգը՝ Արագոնը, Բալեարյան կղզիները, Կատալոնիան, Նավառան և Բասկյան երկիրը: