Հաջորդ թիրախը դառնում է Սպիտակ տունը. Գոռ Աբրահամյան

ՀՀ գլխավոր դատախազի խորհրդական Գոռ Աբրահամյանն, ըստ Yerkir.am-ի, ֆեյսբուքյան իր էջում գրառում է կատարել:

Նա, մասնավորապես, նշել է.

«Իսկ ո՞վ էր ասում, թե Ներկայացուցիչների պալատի կողմից ավելի վաղ Հայոց ցեղասպանության ճանաչման բանաձևի ընդունումը որևէ նշանակություն չունի։ Սենատի քվերակությունը դրա անուղղակի հետևանքն է, որը փայլուն կերպով օգտագործեց հայկական լոբինգը՝ հայամետ սենատորների սկզբունքային հետևողականության օգնությամբ։ Շնորհավորում եմ բոլորիս։ Միջանկյալ, բայց տակտիկական առումով գերազանց հաղթանակ է։ Հաջորդ թիրախը դառնում է Սպիտակ տունը։ Դժվար է լինելու, բայց երկու բանաձևերը, աշխարհաքաղաքական իրողությունները, մոտեցող նախագահական ընտրությունները այդ «թիրախի» խոցումը դարձնում են չափավոր իրատեսական»:

Հիշեցնենք, որ երեկ Միացյալ Նահանգների Սենատը միաձայն քվեարկությամբ հաստատել էր Հայոց Ցեղասպանությունը դատապարտող՝ սենատորներ Ռոբերտ Մենենդեսի և Թեդ Քրուզի ներկայացրած թիվ 150 բանաձևը: