Լոռեցյանը, նրա վարորդն ու ակումբի նախագահը ձերբակալվել են

Կրթության գիտության մշակույթի և սպորտի փոխնախարար Գևորգ Լոռեցյանը, նրա վարորդը և հայկական ֆուտբոլային ակումբներից մեկի նախագահը ձերբակալվել են. Yerkir.am-ին հայտնում են ԱԱԾ մամուլի ծառայությունից։

Երեքն էլ ունեն կասկածյալի կարգավիճակ:

Yerkir.am-ն ավելի վաղ տեղեկացրել էր, որ Հայաստանի Հանրապետության ազգային անվտանգության ծառայության աշխատակիցների կողմից 2019թ. դեկտեմբերի 4-ին, առանձնապես խոշոր չափերով կաշառք ստանալու կասկածանքով, բերման է ենթարկվել ՀՀ կրթության, գիտության, մշակույթի և սպորտի նախարարի տեղակալը, ինչպես նաև վերջինիս վարորդն ու ՀՀ-ում գործող ֆուտբոլային ակումբներից մեկի նախագահը, ով միաժամանակ հանդիսանում է նաև մի շարք մատակարարող ընկերությունների փաստացի ղեկավարը:

Դեպքին անդրադարձել էր նաև ԿԳՄՍ նախարար Արայիկ Հարությունյանը՝ նշելով. «Մենք հավատարիմ ենք մեր հանձնառությանը արմատախիլ անելու կոռուպցիան իր բոլոր դրսևորումներով»: