Արցախի դատախազության հետ մեր հարաբերությունները պայմանականություններ չեն ճանաչում. ՀՀ գլխավոր դատախազ

Խոսելով  այցի  մասին՝  Ա. Դավթյանն  ասել է, որ  իր  հիմնական  նպատակն  ԱՀ   դատախազության      համակարգի  աշխատակիցների  մասնագիտական   տոնը   շնորհավորելն  է:

 

«Մեր  համագործակցությունը  և  շփումներն  ամենօրյա  բնույթ  են   կրում: ԱՀ դատախազության հետ մեր  հարաբերությունները   պայմանականություններ  և  վերապահումներ    չեն    ճանաչում:  Տարիներ  շարունակ  մեր  ռեսուրսների  համատեղմամբ  լուծումներ  ենք  գտել  բազմաթիվ  բարդ  հարցերի  համար: Ձևավորել ենք հարաբերությունների  այնպիսի  կայուն   ավանդույթներ, որոնց  շնորհիվ  մեզ  հաջողվել  է հայկական  երկու  հանրապետություններում ապահովել ցանկացած  ժողովրդավարական  երկրին  բնորոշ   հասարակությունների  բնականոն  կենսագործունեության  և զարգացման  համար  անհրաժեշտ    օրինականության   և  մարդու    իրավունքների   պաշտպանվածության  առավել     քան  բավարար   պայմաններ:

 

Վերջերս  մենք  սկսել ենք  իրականացնել  կոլեգիայի  համատեղ նիստեր, որտեղ    քննարկում  ենք  մի  շարք    խնդիրներ  և  գտնում   դրանց   լուծումները»,-ասել  է  ՀՀ  գլխավոր  դատախազը: