Հռոմի պապը ողջույնի հեռագիր Է հղել Պուտինին

Հռոմի Ֆրանցիսկոս պապը ողջույնի հեռագիր է հղել ՌԴ նախագահ Վլադիմիր Պուտինին. ըստ Yerkir.am-ի՝ հայտնում է ՏԱՍՍ-ը՝ Սուրբ աթոռի մամուլի ծառայությանը հղումով:

Ուղերձն ուղարկվել Է Ռուսաստանի երկնքով քահանայապետի թռիչքի պահին՝ Ճապոնիայից մեկնելու ճանապարհին, որտեղ նա նոյեմբերի 26-ին ավարտել է իր առաքելական այցը:

«Ես սրտանց ողջունում եմ Ձերդ գերազանցությանը՝ թռչելով Ռուսաստանի երկնքով՝ Թաիլանդից և Ճապոնիայից Հռոմ ճանապարհին: Վստահեցնում եմ Ձեզ, որ աղոթում եմ Ձեզ և Ռուսաստանի Դաշնության ամբողջ ժողովրդի համար՝ մաղթելով Աստծու օրհնությունը, խաղաղություն և երջանկություն»,- ասված է հեռագրում:

Ուղերձների հղումն այն պետությունների ղեկավարներին, որոնց երկնքով թռչում է Հռոմի պապի ինքնաթիռը, հաստատված պրակտիկա է: Տոկիոյից Հռոմ Ֆրանցիսկոսի երթուղու մեծ մասը ձգվում էր ՌԴ-ի օդային տարածությունում:

Yerkir.am-ն ավելի վաղ տեղեկացրել էր, որ Հռոմի պապի առաքելական ուղևորությունը Թաիլանդ և Ճապոնիա տեղի է ունեցել նոյեմբերից 19-26-ը: