Ֆրանսիայում առատ ձյան պատճառով առանց էլեկտրականության է մնացել 200 հազար տուն

Ֆրանսիայի հարավ-արևելքում առատ ձյան պատճառով առանց Էլեկտրականության Է մնացել շուրջ 200 հազար տնային տնտեսություն. ըստ Yerkir.am-ի`հայտնում է ՌԻԱ «Նովոստի»-ն:

Էլեկտրամատակարարման խափանումների հիմնական պատճառը էլեկտրահաղորդման գծերի խզումներն են ծառերի տապալման հետևանքով, որոնք չեն դիմանում ձյան ծանրությանը: Իզերի դեպարտամենտում տապալված ծառը դարձել է մի ավտոմոբիլիստի մահվան պատճառ: 

Նոյեմբերի 14-ի երեկոյան Գրենոբլի և Լիոնի միջև ձնահյուսերի հետևանքով կանգ ՝ առել գնացքը՝ մնալով «առանց ջեռուցման և լույսի». ուղևորները տարահանվել են:

Նոյեմբերի 14-ին ֆրանսիական յոթ դեպարտամենտում սպառնալիքի նարնջագույն մակարդակ է հայտարարվել ձյան տեղումների, ինչպես նաև մերկասառույցի պատճառով: