ԱՄՆ-ը շարունակելու է Հյուսիսային Կորեայի ապամիջուկայնացման փորձերը. Թրամփ

ԱՄՆ-ը հանձն է առել Կորեական թերակղզու ապամիջուկայնացման խաղաղ գործընթացը. ըստ Yerkir.am-ի՝ հայտնում է ՏԱՍՍ-ը՝ Հարավային Կորեայի նախագահի աշխատակազմի ներկայացուցիչ Կո Մին Չժոնին հղումով: 

Նրա պնդմամբ՝ Թրամփն ուղերձում շեշտել է, որ «մտադիր է շարունակել Կորեական թերակղզին միջուկայինից ազատ խաղաղության գոտու վերածելու՝ Սեուլի հետ համատեղ շարժումը»:

Հաղորդագրության մեջ ասվում է, որ Հարավային Կորեան  և ԱՄՆ-ը շարունակում են ջանքեր ձեռնարկել բաժանված ընտանիքների խնդրի լուծման համար, որոնց անդամները 1950-1953 թվականների Կորեական պատերազմի ավարտից հետո հայտնվել են 38-րդ զուգահեռականի տարբեր կողմերում:

Միևնույն ժամանակ, ԱՄՆ նախագահը Հարավային Կորեայի Մուն Չժե Ինին ցավակցել է նրա մոր մահվան կապակցությամբ՝ բացատրելով, որ տիկնոջ՝ Մելանիայի հետ «խոր վշտով» են համակվել՝ այդ լուրը լսելով: