Այսօրվանից ուժի մեջ են մտնում ԵՄ ապրանքների համար ԱՄՆ-ի սահմանած մաքսատուրքերը

ԱՄՆ առևտրային ներկայացուցչության գրասենյակը հաստատել է, որ հոկտեմբերի 18-ից ուժի մեջ են մտնում Եվրամիությունից ներկրվող մի շարք ապրանքների մաքսատուրքերը. հայտնում է Reuters գործակալությունը:

Ցուցակում, մասնավորապես, տեղ են գտել բրիտանական, գերմանական, իսպանական և ֆրանսիական օդանավերը, որոնց մաքսատուրքերը կբարձրանան 10 տոկոսով:

ԵՄ երկրների մեծ մասի սննդամթերքի և գյուղատնտեսական արտադրանքի համար մաքսատուրքերը կկազմեն 25 տոկոս: Դրանք կսահմանվեն նաև ֆրանսիական գինիների, շոտլանդական վիսկիի և եվրոպական մի շարք երկրներում պատրաստված պանիրների վրա:

Ընդհանուր առմամբ, ԱՄՆ-ի առևտրային ներկայացուցչի կայքում հրապարակված «սև ցուցակում» ներառվել է ավելի քան 150 ապրանքատեսակ: