Մամեդյարովն ԱՄՆ-ում ԵԱՀԿ ՄԽ համանախագահների հետ քննարկել է ԼՂ հակամարտությանը վերաբերող հարցեր

Ադրբեջանի արտաքին գործերի նախարար Էլմար Մամեդյարովն ԱՄՆ-ում հանդիպում է ունեցել ԵԱՀԿ Մինսկի խմբի համանախագահների հետ: Այս մասին հայտնում է minval.az-ը:

Ադրբեջանի արտաքին գործերի նախարարության տարածած հաղորդագրության համաձայն՝ հանդիպման ընթացքում քննարկվել են ԼՂ հակամարտության կարգավորման շուրջ տարվող բանակցությունները, ինչպես նաև հակամարտության գոտում տիրող իրավիճակը, և, ընդհանուր առմամբ, հակամարտության կարգավորման շուրջ Մինսկի խմբի համանախագահների ապագա ծրագրերն ու հեռանկարները:

Ավելի վաղ տեղեկացրել էինք նաև, որ սեպտեմբերի 23-ին Նյու Յորքում ԵԱՀԿ Մինսկի խմբի համանախագահների միջնորդությամբ և մասնակցությամբ կայանալու է Հայաստանի և Ադրբեջանի արտաքին գործերի նախարարների հանդիպումը: