РИА Новости Украина-ի ղեկավարը կմնա կալանքի տակ. Զախարովան դա «խայտառակություն» է որակել

Կիևի դատարանն երկարաձգեց РИА Новости Украина-ի ղեկավար Կիրիլ Վիշինսկիի կալանքը մինչև սեպտեմբերի 19-ը. հայտնում է РИА Новости-ն:

Պաշտպանությունը մտադիր է բողոքարկել այդ որոշումը: Դատապարտյալը և նրա փաստաբանները պնդում են, որ նրան ազատ արձակեն անձնական երաշխավորությամբ:

Հիշեցնենք, որ այսօր Ուկրաինայի նախագահ Վլադիմիր Զելենսկին ասել է, որ Կիևը պատրաստ է փոխանակել РИА Новости Украина պորտալի ղեկավար Կիրիլ Վիշինսկիին ՌԴ-ում դատապարտված  Օլեգ Սենցովի հետ: Նրա խոսքով`  այդ փոխանակումը պետք է դառնա բարի կամքի առաջին քայլը:

Հիշեցնենք, որ Օլեգ Սենցովը ՌԴ-ում դատապարտվել է 20 տարվա ազատազրկման` Ղրիմում ահաբեկչություն կազմակերպելու մեղադրանքով:

Լրագրող Կիրիլ Վիշինսկին Ուկրաինայում  մեղադրվում է Դոնբասի ինքնահռչակ հանրապետություններին աջակցելու և պետական դավաճանության մեջ, նրան 15 տարվա ազատազրկում է սպառնում:

 Ի դեպ, ՌԴ ԱԳՆ  պաշտոնական ներկայացուցիչ Մարիա Զախարովան իր ֆեյսբուքյան էջում մեկնաբանել է դատարանի որոշումը:

«Ամոթ և խայտառակություն: Ահա և եվրոպական արժեքները»,-գրել է նա: