Համանախագահները ներկայացրել են բանակցային գործընթացի առաջխաղացմանն ուղղված առաջարկներ. Ադրբեջանի ԱԳՆ

Ադրբեջանի ԱԳՆ մամուլի ծառայությունը, մեկնաբանելով ԵԱՀԿ Մինսկի խմբի համանախագահների հանդիպումը Հայաստանի և Ադրբեջանի արտգործնախարարների հետ, հայտարարել է, որ ՄԽ համանախագահները ներկայացրել են հստակ արդյունքների հասնելուն ուղղված առաջարկներ: Այդ մասին գրում է Minval.az-ը:

«Արտգործնախարարներ Էլմար Մամեդյարովի և Զոհրաբ Մնացականյանի վաշինգտոնյան հանդիպմանը համանախագահները երկու կողմերի քննարկմանն են ներկայացրել հստակ արդյունքների հասնելուն և հակամարտության խաղաղ կարգավորման գործընթացի առաջխաղացմանն ուղղված առաջարկներ»,-ասվում է Ադրբեջանի ԱԳՆ-ի հայտարարությունում:

Հավելենք նաև, որ նույն Minval.az կայքը, ներկայացնելով հանդիպման արդյունքներով համանախագահների տարածած հայտարարությունը, այն վերնագրել է «Մամեդյարով-Մնացականյան բանակցություններն ավարտվեցին ոչնչով»: