Քննություն է տարվում զինծառայողի մահվան հանգամանքները պարզելու ուղղությամբ

13.06.2019թ.՝ ժամը 17:05-ի սահմաններում N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցից հրազենային վնասվածք է ստացել պարտադիր ժամկետային զինծառայող, շարքային Արտյոմ Վազգենի Խաչատրյանը: Զինվորական հոսպիտալ տեղափոխվելու ճանապարհին Ա.Խաչատրյանը մահացել է: Այս մասին հայտնում են ՀՀ քննչական կոմիտեից: 

Դեպքի առթիվ երրորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 13-րդ կետով հարուցվել է քրեական գործ, կատարվում է նախաքննություն:

Հիշեցնենք, որ երեկ Արցախի ՊՆ-ն հաղորդագրություն էր տարածել, որում ասվում էր. «Հունիսի 13-ին` ժամը 17:05-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու վիրավորում է ստացել զինծառայող, 1999 թ. ծնված Արտյոմ Վազգենի Խաչատրյանը»: