Դեպքերի զարգացման պատասխանատվությունը հայկական կողմի վրա է. Ադրբեջանի ԱԳՆ

Ադրբեջանի ԱԳՆ պաշտոնական ներկայացուցիչ Լեյլա Աբդուլաևան մեկնաբանել է ՀՀ ՊՆ ղեկավար Դավիթ Տոնոյանի` զինծառայող Սիփան Մելքոնյանի սպանության վրեժն առած զինծառայողներին պարգևատրեու քայլը. հայտնում է Haqqin.az-ը: Նա նշել է, որ այդ քայլն ապացուցում է, որ Հայաստանն «օկուպանտ երկիր է»:

«Ցավով ենք նշում, որ հենց Հայաստանի անպատասխանատու  վարքագծի հետևանքով տարածաշրջանը հայտնվել է լարվածության աճի շեմին»,- նշել է Աբդուլաևան և հավելել, որ այդ քայլով Հայաստանը ցանկանում է հարված հասցնել բանակցային գործընթացին:

«Եվս մեկ անգամ ընդգծում ենք, որ այդ ուղղությամբ դեպքերի զարգացման պատասխանատվությունը հայկական կողմի վրա է»,- ասել է նա: