«Ճանաչիր քո հայրենիքը» ֆլեշմոբը Ստեփանակերտում

«Արարիչ» բարեգործական հիմնադրամի նախաձեռնությամբ այսօր՝ մայիսի 29-ին, Ստեփանակերտի «Մենք ենք մեր սարերը» հուշարձանի տարածքում կազմակերպվել է «Ճանաչիր քո հայրենիքը» խորագրով տոնոկան միջոցառում՝ նվիրված Հայաստանի առաջին Հանրապետության հիմնադրման 101-ամյակին:«Արցախպրես»-ի   թղթակցի   հաղորդմամբ՝  միջոցառմանը  կազմակերպվել  է  ֆլեշ-մոբ,  որին  մասնակցել  են    հիմնադրամի  կողմից  իրականացվող  «Ճանաչիր   քո  հայրենիքը»      ծրագրի   շրջանակներում   Մայր Հայաստան    այցելած     շուրջ   250  երիտասարդ:Ֆլեշ-մոբի  արդյունքում    տեսանելի   է   դարձել  «Արարիչ»   գրությունը:Երկրորդ  մասում   Հադրութի շրջվարչակազմի  աշխատակազմի   մշակույթի  և երիտասարդության  բաժնի    նախաձեռնությամբ   թխվել   է   արցախյան այցեքարտ     հանդիսացող      4մ   26  սմ  երկարությամբ    ժենգյալով  հաց:  Հադրութի շրջվարչակազմի աշխատակազմի մշակույթի և երիտասարդության հարցերի բաժնի   վարիչ  Երազիկ  Հայրիյանն  ասել է, որ   ուտեստը   պատրաստելու  համար   նախապես   պատրաստվել   է  հատուկ  հարմարանքներ: Հադրութի շրջանում առաջին  անգամ   պատրաստված  2 մետր   83   սմ-անոց  հսկա ժենգյալով հացը, որում  որպես   հումք   օգտագործվել  է    28 բուսատեսակ,  գրանցվել է Հայաստանի «Դյուցազնագրքում»: Երկրորդ  անգամ այն    թխվել  է  Հաթերքում  կայացած   ժենգյալով հացի երկրորդ փառատոնին՝    3մ  3սմ  երկարությամբ, իսկ   այս  անգամ  ուտեստը պատրաստողները    հավակնում   են   դառնալ  Գինեսի  ռեկորդակիր: