Փաշինյանը և Պուտինը հնարավոր է երկկողմ հանդիպում ունենան մայիսին. Մատվիենկո

ՌԴ Դաշնային խորհրդի նախագահ Վալենտինա Մատվիենկոն հայտնել է, որ ՌԴ և ՀՀ նախագահներ Վլադիմիր Պուտինը և Նիկոլ Փաշինյանը հնարավոր է երկկողմ հանդիպում ունենան Ղազախստանում մայիսի 29-ին կայանալիք ԵԱՏՄ բարձրագույն խորհրդի նիստի շրջանակում. հայտնում է РИА Новости-ն:

«Հայաստանի և Ռուսաստանի քաղաքական փոխգործակցությունն ընթանում է շատ կառուցողական, դինամիկ: Մեր երկրների ղեկավարները անցյալ տարի հանդիպել են 7 անգամ, նրանք մշտական շփում ունեն, հեռախոսազրույցներ են ունենում:  Մայիսի 29-ին հանդիպում կլինի ԵԱՏՄ Բարձրագույն խորհրդի շրջանակում, որը կկայանա Ղազախստանում: Նույն միջոցառումը կկայանա հոկտեմբերի 1-ին Երևանում, որտեղ մեր երկրների ղեկավարները կարող են հանդիպում ունենալ»,- ասել է նա ՀՀ ԱԺ նախագահի  Արարատ Միրզոյանի հետ հանդիպման ժամանակ:

Հիշեցնենք, որ Արարատ Միրզոյանի գլխավորած պատվիրակությունն ապրիլի 18-20-ը   Սանկտ Պետերբուրգում է՝ մասնակցելու ԱՊՀ ՄԽՎ խորհրդի եւ ԱՊՀ ՄԽՎ 49-րդ լիագումար նիստերին, քաղաքական հարցերի եւ միջազգային համագործակցության, պաշտպանության եւ անվտանգության, իրավական հարցերի մշտական հանձնաժողովների նիստերին, ինչպես նաեւ միջազգային ահաբեկչության հակազդման խնդիրներին վերաբերող համաժողովին: