Մասաչուսեթս նահանգում տեղադրվել են Հայոց ցեղասպանության վերաբերյալ պաստառներ

Հայոց ցեղասպանության 104-րդ տարելիցի կապակցությամբ ԱՄՆ-ի Մասաչուսեթս նահանգի տարբեր քաղաքներում ու մայրուղիներում «Never Forget Armenian Genocide» («Երբեք մի մոռացիր Հայոց ցեղասպանությունը») գրությամբ էլեկտրոնային պաստառներ են տեղադրվել մարտ-ապրիլ ամիսներին. հաղորդում է ermenihaber.am կայքը:

20-րդ դարի առաջին ցեղասպանության մասին հիշեցնող պաստառներին պատկերված է երեխա, որի դեմքի կեսը մթության մեջ է և խորհրդանշում է 1915 թ. Հայաստանի սև օրերը, մյուս կեսը լուսավոր է և ցույց է տալիս 2019 թ. պայծառ ու լուսավոր Հայաստանը:

Ոչ միայն Հայոց, այլև բոլոր այլ ցեղասպանությունները քննադատող այս պաստառները տարբեր նահանգներում շարունակելու են կախված մնալ մինչև ապրիլի 30-ը: