Թրամփի` ՌԴ-ին ուղղված կոչը համապարփակ լպիրշություն է. Զախարովա

ԱՄՆ-ի` Ռուսաստանին ուղղված կոչը, թե ՌԴ-ն պետք է հեռանա Վենեսուելայից, համապարփակ լպիրշություն է, Վաշինգտոնը չունի ո'չ բարոյական, ո'չ էլ իրավական հիմքեր նման հայտարարություններ անելու համար: Այդ մասին ավանդական ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:

«Ի՞նչ է նշանակում` հեռանալ: Դեսպանատո՞ւնը պետք է հեռանա: Զբոսաշրջիկնե՞րը պետք է հեռանան: Էներգետիկ ընկերություննե՞րը պետք է դադարեցնեն իրենց պայմանագրերը: Ի՞նչ է նշանակում` հեռանալ: Ասել Ռուսաստանին, որ պետք է հեռանա Վենեսուելայից, արդեն սահմանն անցնել է: Դա համաշխարհային համապարփակ լպիրշություն է»,- ասել է Զախարովան:

Հիշեցնենք, որ համապատասխան հայտարարությամբ Թրամփը հանդես է եկել երեկ: Ի դեպ, նա հանդիպում է ունեցել Վենեսուեալյի ընդդիմության առաջնորդ Խուան Գուաիդոյի կնոջ հետ: