Ինչու են ՌԴ նահանգապետերը հրաժարական տալիս

ՌԴ Ալթայի, Կալմիկիայի,  Մուրմանսկի և Օրենբուրգի նահանգապետերը հրաժարական են տվել. հայտնում է РИА Новости-ն: Հրաժարականները տեղի են ունեցել նրանց դիմումների համաձայն:

Նշենք, որ ՌԴ նախագահ Վլադիմիր Պուտինն արդեն ընդունել է նահանգապետերի հրաժարականը:

Փարձագետ Եվգենի Մինչենկոն МИР 24-ի հետ զրույցում ասել է, որ խուճապի կարիք ամենևին չկա: «Հրաժարական են տալիս այն նահանգապետերը, որոնց պաշտոնավարման ժամկետները լրանում են»,- նշել է նա` հավելելով, որ այդ շրջաններում վարկանիշները ցածր են, ուստի այդ անձանց պետք է փոխարինել նորերով:

ՌԴ Դաշնային խորհրդի նախագահ Վալենտինա Մատվիենկոն, իր հերթին, լրագրողներին ասել է, որ տեղի է ունենում բնական կադրային թարմացում: