Թուրքիայում ֆուտբոլիստը խաղադաշտ է մտել սուր ծակող գործիքով

Ֆուտբոլի Թուրքիայի ֆեդերացիայի 2-րդ լիգայի Սպիտակ խմբում կիրակի տեղի ունեցած «Ամեդ Սպորտիֆ Ֆաալիյեթլեր»– «Սաքարյասպոր» հանդիպումից հետո վերջինս 4 ֆուտբոլիստ հակառակորդ թիմի ֆուտբոլիստ Մանսուր Չալարի դեմ ոստիկանություն բողոք է ներկայացրել. հաղորդում է  cnnturk.com կայքը:

«Սաքարյասպոր»-ի 4 ֆուտբոլիստներից Հաջի Օմեր Դոգրուն  իր բողոքում մասնավորապես նշել է. «Առաջին խաղակեսի ավարտից հետո հանդերձարան գնալիս 72 համարով հանդես եկող Մանսուր Չալարը եկավ ինձ մոտ և սկսեց հայհոյել: Ձեռքի սուր ծակող գործիքը մոտեցրեց երեսիս և վիրավորեց: Նրա ձեռքում ծակող գործիք լինելու մասին տեղեկացրեցինք մրցավարին, պահանջեցինք, որ գտնի գործիքը, սակայն մրցավարը ոչ մի բան չձեռնարկեց»:

Ֆուտբոլիստներից մեկն էլ բողոքում նշել է, որ Չալարը վնասվածք է հասցրել իրեն պարանոցի շրջանում և ասել. «Բոլորիդ վրա գիծ եմ քաշելու»:

Դիարբեքիրի դատախազությունը հետաքննություն է սկսել ֆուտբոլիստի նկատմամբ: