Ռոման Բաբայանը կմասնակցի Մոսկվայի քաղաքային դումայի ընտրություններին

Ռուսաստանցի հայտնի լրագրող,  ազգությամբ հայ Ռոման Բաբայանը հայտարարել է, որ պատրաստվում է մասնակցել Մոսկվայի քաղաքային դումայի պատգամավորների ընտրություններին, որոնք կկայանան աշնանը. հայտնում է РИА Новости-ն:

«Ես որոշել եմ մասնակցել Մոսկվայի քաղաքային դումայի պատգամավորների ընտրություններին: Կառաջադրվեմ Խորոշևո-Մնևնիկներում, Շչուկինոյում և Ֆիլյովսկի այգում, դա ինձ համար օտար շրջան չէ, այնտեղ են բնակվում իմ ընտանիքի անդամները և ինձ հարազատ շատ մարդիկ»,- ասել է նա իր տեսաուղերձում:

Բաբայանը նշել է, որ այդ շրջաններում լուրջ խնդիր է, որ ծառերը կտրում են և բազմահարկ տներ կառուցում, և ինքը ցանկանում է փոխել այդ վիճակը: