Միքայել Մինասյանի ընկերներն իրենց աջակցությունն են հայտնում Փաշինյանին

Փաշինյանն ազնիվ է, ես լիովին աջակցում եմ նրան. «Ազատություն» ռադիոկայանի եթերում հայտարարել է ԱԺ ՀՀԿ խմբակցության պատգամավոր Գևորգ Կոստանյանը:

«Նիկոլ Փաշինյանն ազնիվ է իր նպատակների, իր ցանկությունների մեջ: Ինձ համար սա չափազանց կարևոր նշանակություն ունի: Նա նաև ազնիվ է իր ուղղվածության մեջ: Եթե ես գտնում եմ, որ նրա և' նպատակների, և' ցանկությունների, և'գործողությունների հաջորդականության մեջ կա ազնվություն, ես միշտ ցանկացած պահի կկանգնեմ նրա կողքին»,- ասել է նա:

Կոստանյանը նաև նշել է, որ դեկտեմբերին մանդատը վայր է դնելու ու մեկնի Եվրոպա:

Ֆեյսբուքյան գրառումով Փաշինյանին իր աջակցությունն է հայտնել նաև մեկ այլ ՀՀԿ-ական պատգամավոր` Արման Սահակյանը: «Հարգելի հայրենակիցներ, հաշվի առնելով երկրում տիրող ճգնաժամային իրավիճակը, հայտարարում եմ, որ կողմ եմ Ազգային ժողովի լուծարմանը և արտահերթ ընտրությունների անցկացմանը դեկտեմբերին։ Համոզված եմ, որ ինձ հետ կհամաձայնվեն Շիրակի մարզի իմ ընտրողների ճնշող մեծամասնությունը»,- գրել է նա։

Նշենք, որ Գևորգ Կոստանյանն ու Արման Սահակյանը Միքայել Մինասյանի մտերիմ ընկերներն են: