Երևան-Էջմիածին երթուղու երեք մեքենաներ փոխարինվել են նոր տրանսպորտային միջոցներով

ՀՀ Տրանսպորտի, կապի և տեղեկատվական տեխնոլոգիաների նախարարի տեղակալ Արմեն Փամբուխչյանն իր ֆեյսբուքյան էջում գրել է.

«Օգոստոսի 17-ին տեղի ունեցավ տրանսպորտային միջոցների գնահատում։ Այսուհետև կանոնավոր ուղևորափոխադրումներ կիրականացվեն Երևան-Ալավերդի (ներառյալ Ջիլիզա համայնքը), Երևան-Նոյեմբերյան ուղղություններով, ինչպես նաև տրանսպորտային կապ կհաստատվի Դիլիջան և Վանաձոր համայնքների միջև։

Ի դեպ, 130 բնակիչ ունեցող Ջիլիզա համայնքի ավտոբուսը, որով գյուղացիները շաբաթական մեկ անգամ Ալավերդի էին գնում, չէր գործում: Տեղեկանալով խնդրի մասին, ինչպես նաև դիտելով Հանրային Հեռուստաընկերության «Օրակարգ» լրատվական ծառայության հունիսի 19-ի «Առանց խանութի գյուղը» ռեպորտաժը հետամուտ եղա խնդրի լուծմանը: Ջիլիզա համայնքի ղեկավարի հետ համաձայնեցրեցինք երթուղու չվացուցակը, որպեսզի այն հարմար լինի բնակիչների համար: Բացի դրանցից, Երևան-Մերձավան թիվ 205 երթուղին համալրվել է ևս մեկ տրանսպորտային միջոցով, իսկ Երևան-Էջմիածին երթուղու երեք մեքենաներ փոխարինվել են նոր տրանսպորտային միջոցներով»։