Արամ Մանուկյանի հուշարձանը բաղկացած է երեք հիմնական տարրերից. Դավիթ Մինասյան

Երևանի կենտրոնում` Հանրապետության հրապարակում տեղի ունեցավ  Հայաստանի առաջին հանրապետության պետական, հասարակական գործիչ, հայոց նորագույն պետականության հիմնադիր, Դաշնակցական Արամ Մանուկյանի արձանի բացման հանդիսավոր արարողությունը:

Ելույթ ունեցավ Արամ Մանուկյանի արձանի հեղինակ, Հայաստանի վաստակավոր նկարիչ  Դավիթ Մինասյանը:

«Այս հուշարձանը բաղկացած է երեք հիմնական տարրերից` պատվանդանը, որը խորհրդանշում է հայոց աշխարհը, հայոց պետական դրոշը և Արամ Մանուկյանը: Եռագույնին փաթաթված լինելը ակնարկն է այն բանի, որ նա, որպես միակ ունեցվածք, ունի իր ստեղծած հայոց պետականությունը: Պատվանդանի ճեղքը ուրվագծում է այսօրվա Հայաստանի քարտեզը»,- ասաց Դավիթ Մինասյանը` շնորհակալություն հայտնելով բոլոր նրանց, ովքեր լավ կամ վատ կարծիք են հայտնել արձանի վերաբերյալ: