Ալեն Սիմոնյանը հրաժարվեց պատգամավորական լիազորություններից` հանուն Երևանի ավագանու մանդատի

«Ելք» կուսակցության անդամ, Երևանի ավագանու անդամ Ալեն Սիմոնյանը իր ֆեյսբուքյան էջում տեղեկացրել է, որ այսօր դիմում է գրել ԱԺ ղեկավար Արա Բաբլոյանին` պատգամավորական լիազորությունները վայր դնելու վերաբերյալ:

Նշենք, որ այսօր մի խումբ պատգամավորներ վերցրել են իրենց պատգամավորական մանդատը` երդվելով ԱԺ նիստերի դահլիճում: Նրանց մեջ էր նաև Ալեն Սիմոնյանը:

Ալեն Սիմոնյանը դիմում է գրել ԱԺ ղեկավարաությանը` իր պատգամավորական լիազորությունները դադարեցնելու մասին, քանի որ պետք է ընտրություն կատարեր պատգամավորական մանդատի և Երևանի ավագանու մանդատի միջև: Այդ մասին մեկ այլ դիմում նա ներկայացրել է Երևանի քաղաքապետ Տարոն Մարգարյանին:

Ալեն Սիմոնյանը նշում է, որ արել է այդ քայլը` հանուն Երևանի, հանուն այն բազմաթիվ խնդիրների լուծման, որոնց առջև այսօր կանգնած է Երևանը: