Օտար երկրներում բնակվող որոշ ադրբեջանցիներ գործում են Ադրբեջանի դեմ. ադրբեջանցի պաշտոնյա

Օտար երկրներում բնակվող որոշ ադրբեջանցիներ, հայկական լոբբինգի աջակցությամբ, հակաադրբեջանական գործունեություն են ծավալում: Այդ մասին Ադրբեջանի խորհրդարանի լիագումար նիստում հայտարարել է հանրային միավորումների և կրոնական կառույցների հարցերով խորհրդարանական հանձնաժողովի նախագահ, «Էնի Ադրբեջան» կուսակցության գործադիր քարտուղարի տեղակալ Սիյավուշ Նովրուզովը. հայտնում է Trend-ը:

«Նրանք ակցիա են անցկացրել Ֆրանսիայում Ադրբեջանի դեսպանատան առջև, բայց ոչ մի անգամ ակցիա չեն անցկացրել Հայաստանի դեսպանատան առջև»,- ասել է նա:

Նովրուզովն ընդգծել է, որ այդ մարդիկ վարկաբեկում են Ադրբեջանը:

«Չի կարելի հանդես գալ հայրենիքի դեմ, ադրբեջանական բանակի դեմ: Այդ հարցում հասարակության կարծիքը պետք է միասնական լինի»,- ասել է նա: