Ոստիկանները երկու օրում կամուրջներից ցած նետվելու երկու փորձ են կանխել

Երեկ և այսօր Երևանի Դավթաշեն և Կիևյան կամուրջներից ցած նետվելու միջոցով ինքնասպանություն գործելու երկու փորձ է կանխվել: Այս տեղեկությունը Yerkir.am-ի հետ զրույցում հաստատեցին ոստիկանությունից:

Մասնավորապես` հունվարի 14-ի երեկոյան 1992 թվականին ծնված քաղաքացի է փորձել ինքնասպանություն գործել Կիևյան կամրջից ցած նետվելու միջոցով, որը կանխվել է ոստիկանության ծառայողների կողմից:

Ժամը 00։50-ի սահմաններում ՊՊԾ գնդի նույն վաշտի ոստիկանները Երևան քաղաքի բնակիչ Ռոման Նազարյանի օգնությամբ Դավիթաշենի կամրջի վրա կանխել են 44-ամյա քաղաքացու ինքնասպանությունը:

Երկու դեպքում էլ քաղաքացիներն ինքնասպանության փորձ են արել անձնական խնդիրների պատճառով: