Բնակարանից առևանգել է ընկերուհուն ու տարել դաշտ

Կոտայքի մարզի բնակիչը մեղադրվում է իր ընկերուհու բնակարան մտնելու և նրան բացահայտ առևանգելու մեջ:

Դատական տեղեկատվական համակարգում ներկայացված մեղադրանքից տեղեկանում ենք, որ Հրանտ Հ-ն գնացել է ընկերուհու փաստացի բնակության վայր նրա հետ հաշտվելու նպատակով: Այնուհետև նա մուտքի դուռը հրելու և բացելու միջոցով աղջկա կամքին հակառակ, առանց թույլտվության, ապօրնի մուտք է գործել բնակարան, ապա ընկերուհուն բացահայտ առևանգելու դիտավորությամբ, բռնության գործադրմամբ՝ հրելու միջոցով, նրա կամքին հակառակ դուրս է հանել բնակարանից, շքամուտքում գրկել նրան:

 Համաձայն մեղադրանքի՝ տղան, ընկերուհուն զրկելով իքնուրույն տեղաշարժվելու հնարավորությունից, նրան իջացրել է Հրազդան քաղաքին հարակից դաշտավայր:

Հրանտ Հ-ին մեղադրանք է առաջադրվել ՀՀ ՔՕ 131-րդ հոդվածի 1-ին մասի (մարդուն առևանգելը) և ՀՀ ՔՕ 147-րդ հադվախի 1-ի մասի (Մարդու կամքին հակառակ նրա բնակարան ապօրինի մուտք գործելը): Նրա նկատմամբ որպես խափանման միջոց է ընտրվել կալանավորումը: