ԵՄ-ն աջակցում է Երուսաղեմի վերաբերյալ միջազգային կոնսենսուսին. Մոգերինի

ԵՄ դիվանագիտության ղեկավար Ֆեդերիկա Մոգերինին հայտարարել է, որ ԵՄ-ն հավատարիմ է Երուսաղեմի կարգավիճակի հարցում միջազգային կոնսենսուսին և չի փոխի իր դիրքորոշումը, քանի դեռ իսրայելցիները և պաղեստինցիները չեն համաձայնեցնի քաղաքի վերջնական կարգավիճակը: Այդ մասին նա ասել է լրագրողներին Իսրայելի վարչապետ Բինյամին Նեթանյահուի հետ հանդիպումից առաջ. հայտնում է РИА Новости-ն:

Մոգերինիի խոսքով` գոյություն ունի երկու երկիր` Իսրայել և Պաղեստին, որոնց մայրաքաղաքն է Երուսաղեմը:

Ավելի վաղ հայտնել  ենք, որ Բինյամին Նեթանյահուն ԵՄ կատարած այցի ժամանակ հրապարակայնորեն հավանության է արժանացրել ԱՄՆ նախագահ Դոնալդ Թրամփի` Երուսաղեմն Իսրայելի մայրաքաղաք ճանաչելու որոշումը և ասել, որ նույնը սպասում է եվրոպացիներից: