Հայաստանը պատրաստ է արդյունաբերական կոոպերացիա զարգացնել ՌԴ ձեռնարկությունների հետ. Սերժ Սարգսյան

Հայաստանը պատրաստ է արդյունաբերական կոոպերացիա զարգացնել ՌԴ ձեռնարկությունների հետ այնպիսի ոլորտներում, ինչպիսին են հաստոցաշինությունը, մեքենաշինությունը և ռադիոէլեկտրոնիկան: Այդ մասին РИА Новости-ի հետ զրույցում ասել է ՀՀ նախագահ Սերժ Սարգսյանը: Նրա խոսքով` այդ առումով կան լավ, մեծ հնարավորություններ:

«Պետք է հաշվի առնել, որ հայերի երկու երրորդը բնակվում է Հայաստանից դուրս: Նրանք լավ ինտեգրված ենք այն հասարակությանը, որտեղ բնակվում են, և լավ արդյունքների են հասնում, այդ թվում` արդյունաբերության ոլորտում: Նրանք հետաքրքվում են մեծ շուկաներով»,- ասել է ՀՀ նախագահը:

Սարգսյանի խոսքով` արդեն ստեղծվել են մի քանի համատեղ ձեռնարկություններ: «Երբ խոսում եմ արդյունաբերական կոոպերացիայի զարգացման մասին, նկատի ունեմ ժամանակակից մրցունակ արտադրանքի թողարկումը»,- հավելել է ՀՀ նախագահը: