ԱԺ-ն ակտիվ մասնակցություն կունենա «Հայանտառ»-ի կողմից կազմակերպված ծառատունկին․ Բաբլոյան

ԱԺ նախագահ Արա Բաբլոյանն այսօր խորհրդարանում մի շարք նախագծերի քվեարկությունից հետո հայտարարեց, որ «Հայանտառ» ՊՈԱԿ-ի կազմակերպած համահայաստանյան ծառատունկին մասնակցությունը կունենան նաև պատգամավորներ և ԱԺ աշխատակազմի ներկայացուցիչներ։

«Նոյեմբերի 4-ին համահայկական ծառատունկ է հայտարարված, որին, անշուշտ, իր ակտիվ մասնակցությունը կունենա նաև Ազգային ժողովը։ Տեղեկացնեմ պատգամավորներին և աշխատակազմին, որ մեքենաներն Ազգային ժողովի Դեմիրճյան մուտքից Բյուրականի շրջակայքում մեզ հատկացված տարածք կուղղվեն նոյեմբերի 4-ին` ժամը 10։00-ին։ Այն մարդիկ, ովքեր ցանկություն ունեն մասնակցելու, խնդրում եմ Դեմիրճյանի մուտքի մոտ հավաքվեք, որպեսզի կարողանանք կազմակերպված ձևով մեկնենք տարածք»,- ասաց Բաբլոյանը։

Հիշեցնենք, որ ՀՀ գյուղատնտեսության նախարարության «Հայանտառ» ՊՈԱԿ-ը կազմակերպել է համահայաստանյան ծառատունկ, որը կկայանա սույն թվականի նոյեմբերի 4-ին։