Հրազդանում երիտասարդ կինը պատահաբա՞ր է պատշգամբից ցած ընկել. մանրամասներ

Արդեն հայտնել ենք, որ այսօր`  ժամը 11:10-ին, ոստիկանություն ահազանգ է ստացվել, որ Հրազդան քաղաքի Միկրոշրջան թաղամասի 94 շենքից կին է ցած ընկել:

Լրատվամիջոցները տեղեկություններ էին տարածել, թե կինը փորձել է ինքնասպանություն գործել, սակայն Yerkir.am-ի հետ զրույցում կնոջ հարևանները պատմեցին, որ այդ վարկածը ամենաանհավանականն է թվում, քանի որ տուժած կինը՝ Մարինե Գյուլումյանը, շատ հաշտ և հավասարակշռված հարաբերություններ է ունեցել իր ընտանիքի անդամների հետ և, առհասարակ, որևէ պատճառ չի ունեցել ինքնասպանություն գործելու: Միակ հավանական վարկածը, ըստ հարևանների, դժբախտ պատահարն է. կինը լվացք փռելիս, հավանաբար, չի կարողացել պահել հավասարակշռությունը և վայր է ընկել:

35-ամյա Մարինե Գյուլումյանին տեղափոխել են «Արմենիա» բժշկական կենտրոն: Նա ունի ամուսին, երկու տղա երեխա, աշխատել է դպրոցում` որպես ուսուցչուհի: