Այս պահին Երևանում sett-weather
Փոխարժեքներ 21 10 2024
USD ⚊ $ 387.16
EUR ⚊ € 419.99
RUB ⚊ ₽ 4.03
GBP ⚊ £ 504.2
GEL ⚊ ₾ 142.18
կարևոր
0 դիտում, 7 տարի առաջ - 2017-08-31 16:56
Հասարակություն

Հիմնանորոգվում է Երևան-Սևան ավտոճանապարհի 28 կմ հատվածը

Երևան-Սևան-Իջևան միջպետական նշանակության ավտոճանապարհի 36-57-րդ կմ (Երևան-Սևան ուղղությամբ) և 64-57-րդ կմ (Սևան-Երևան ուղղությամբ) հատվածներում մեկնարկել են հիմնանորոգման աշխատանքները։

Շինարարությունը նախատեսվում էր սկսել հուլիսից, սակայն, նկատի ունենալով զբոսաշրջային հոսքը, աշխատանքների մեկնարկը տրվեց օգոստոսի 28-ին։
 
Շինաշխատանքներով պայմանավորված` այս հատվածներում երթևեկությունն այժմ սահմանափակված է բոլոր տեսակի տրանսպորտային միջոցների համար: Երթևեկը կազմակերպված է տվյալ ճանապարհահատվածի հանդիպակաց` Սևանից Երևան եկող ուղղությամբ:

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն այցելեց հիմնանորոգվող ճանապարհահատված` հետևելու կատարվող աշխատանքներին և հավաստիանալու, որ երթևեկության այլընտրանքային ճանապարհը կահավորված է բավարար քանակի զգուշացնող և անվտանգության նշաններով։
 
«Հայավտոճան տնօրինություն» ՊՈԱԿ-ի տնօրեն Աշոտ Արշակյանը նախարարին հայտնեց, որ ճանապարհի հիմնանորոգումն իրականացնող երկու շինարարական կազմակերպությունները` «Ճանապարհ» ՍՊ ընկերությունն ու «Սուարդի» ԲԸ  հայաստանյան մասնաճյուղը արդեն սկսել են ֆրեզավորման աշխատանքները։
 
Նախատեսված է իրականացնել  երկու  երթևեկային  մասերի և կողնակի  5սմ հաստությամբ ֆրեզավորում և ասֆալտապատում:
Ճանապարհի երթևեկության անվտանգությունը ապահովվելու նպատակով տեղադրվել են զգուշացնող նշաններ, հիմնանորոգվող հատվածների  բաժանիչ  գոտում` մետաղական պաշտպանիչներ։

Պայմանագրով նախատեսվում է շինարարությունն ավարտել այս տարվա հոկտեմբերի 10-ին, սակայն աշխատանքի տեմպն արդեն իսկ գոհացուցիչ է, և ճանապարհաշինարարները խոստանում են ժամկետից շուտ շահագործման հանձնել որակյալ ճանապարհ` հնարավորին քիչ ժամանակ անհարմարություն պատճառելով վարորդներին։
 
Ճանապարհը հիմնանորոգվում է պետական բյուջեի միջոցներով:
 
Այլ մանրամասներ՝ տեսանյութում
 
ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայություն
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը