Երկու օջախներով այրվել է մոտ 20 հա խոտածածկույթ, որից 3 հա-ը՝ անտառապատ տարածքում

Օգոստոսի 30-ին, ժամը 13:03-ին տեղեկություն է ստացվել, որ  Լոռու մարզի Լեռնապատ գյուղի վերջնամասում այրվում է խոտածածկույթ:

Դեպքի վայր են մեկնել երկու մարտական հաշվարկ, մարզային փրկարարական վարչության օպերատիվ խումբը:

Պարզվել է, որ հրդեհը բռնկվել է Լեռնապատ, Նոր Խաչակապ և Ղուրսալ գյուղերի միջակայքում գտնվող անտառածածկ տարածքում:

Հրդեհաշիջման աշխատանքներին մասնակցել են ազատ հերթափոխից 6 հրշեջ-փրկարար, անտառնտեսության 10 աշխատակից, Լեռնապատ գյուղի 9 բնակիչ՝ գյուղապետ Աբազյանի գլխավորությամբ և Ղուրսալի գյուղի 9 բնակիչ՝ գյուղապետ Մինասյանի գլխավորությամբ։

Հրդեհը մեկուսացվել է ժամը 18:15-ին, մարվել՝ 18:30-ին:

Երկու օջախներով այրվել է մոտ 20 հա խոտածածկույթ, որից 3 հա-ը՝ անտառապատ տարածքում և մոտ 30 հա բուսածածկույթ։