«Ավետիք Իսահակյան» գիրք-տնակ` Իսահակյան-Տերյան խաչմերուկում

Հուլիսի 3-ին Երևանի Իսահակյան և Տերյան փողոցների խաչմերուկում  մշակույթի նախարար Արմեն Ամիրյանը և Երևանի քաղաքապետ Տարոն Մարգարյանը կկատարեն երևանյան առաջին գրատնակի՝ «Ավետիք Իսահակյան»  գիրք-տնակի հանդիսավոր բացումը։

Նախարար Արմեն Ամիրյանի և Արման Դավթյանի  (Նուռ) մտահղացմամբ,  «Little Story» ընկերության 60 մլն դրամի ներդրումով, Երևանի քաղաքապետարանի աջակցությամբ այդպիսի ևս 9 կրպակներ կտեղադրվեն մայրաքաղաքի՝  դասական հայտնի գրողների անուններ կրող փողոցներում։ Յուրաքանչյուր գիրք-տնակը կկոչվի այն գրողի անունով, որը կրում է տվյալ փողոցը։

Գրատնակներում կվաճառվեն գրքեր և մշակույթի նախարարության հաստատություններում նախատեսված համերգների, ներկայացումների տոմսեր։