Պեդրո Ագրամունտին հեռացրել են ԵԺԿ խմբակցությունից

Եվրոպայի խորհրդի Խորհրդարանական վեհաժողովի նախագահ Պեդրո Ագրամունտը հեռացվել է Եվրոպական ժողովրդական կուսակցության խմբակցության կազմից: Համապատասխան որոշումը կայացվել է չորեքշաբթի Ստրասբուրգում ԵԺԿ պատգամավորների նիստի ժամանակ: Այդ մասին հայտնում է ТАСС-ը՝ վկայակոչելով կուսակցության մամուլի ծառայությունը:

Հիշեցնենք, որ երեկ ԵԽԽՎ-ն ձայների մեծամասնությամբ ընդունել է բանաձև, որն ուղղումներ է առաջարկում մտցնել կանոնակարգում, որոնք հնարավորություն կտան սկսելու Վեհաժողովի ներկայիս նախագահ Պեդրո Ագրամունտին պաշտոնից հեռացնելու գործընթացը:

Այս տարվա գարնանը Վեհաժողովը անվստահություն էր հայտնել Ագրամունտին Սիրիա այցի համար, սակայն, օրենքի համաձայն, չէր կարող հեռացնել նրան պաշտոնից: