Մխիթարյանը կարող է գերազանցել Ռոնալդուի և Ռունիի ռեկորդը

Եվրոպա լիգայի կիսաեզրափակիչի առաջին խաղում անգլիական «Մանչեսթեր Յունայթեդ»-ը արտագնա խաղում կմրցի իսպանական «Սելտա»-ի հետ:

«Մանչեսթեր Յունայթեդ»-ի մամուլի ծառայությունը հետաքրքրիր վիճակագրություն է ներկայացրել հանդիպումից առաջ: Հայաստանի հավաքականի կիսապաշտպան Հենրիխ Մխիթարյանը  «Սելտա»-ի դարպասը գրավելու դեպքում կդառնա «մանկունյացիների» առաջին ֆուտբոլիստը, որը եվրագավաթներում գոլի հեղինակ է դառնում 5-րդ արտագնա խաղում անընդմեջ: 

Այս պահին Մխիթարյանը կրկնել է Դևիդ Հերդի, Դուայթ Յորքի, Ռուդ վան Նիստելրոյի, Կրիշտիանու Ռոնալդուի ու Ուեյն Ռունի ռեկորդը: 

«Սելտա»-«Մանչեսթեր Յունայթեդ» հանդիպումը կկայանա մայիսի 4-ին և կմեկնարկի Երևանի ժամանակով 23:05-ին: