Մոսկվայում պարտքերի պատճառով հայ գործարար է սպանվել

Մոսկվայում ապրիլի 19-ին սպանվել է առևտրի կենտրոնի սեփականատեր, գործարար Ալեքսանդր Բաղիրյանը. հայտնում է Московский комсомолец-ը:

Բաղիրյանին սպանել են բիզնես կենտրոնի մոտ: Ըստ թերթի տվյալների` ապանությունն իրագործել է  գործարարի նախկին գործընկերը: Հաղորդվում է, որ նախկինում տղամարդիկ համատեղ գործունեություն են ծավալել` Մերձմոսկվայում  ալկոհոլային արտադրանքի համար ապակե տարաների պատրաստման փոքր գործարան ունեին: Այնուհետև նրանց ճանապարհները բաժանվել են, սակայն Բաղիրյանը գործընկերոջը պարտք է մնացել 3 մլն դոլար: Նա հրաժարվել է մարել պարտքը, ինչից հետո գործընկերը կրակ է բացել նրա ուղղությամբ:

Բաղիրյանը մահացել է հիվանդանոցում: Կրակողը ձերբակալվել է: Նրա նկատմամբ երկու քրեական գործ է հարուցվել` սպանությանը և և զենքի անօրինական շրջանառության հոդվածներով:

Նշվում է նաև, որ վերջին տարիներին Բաղիրյանի գործերը լավ չէին ընթանում, և նա պարտքեր էր կուտակել: