Էլեկտրոնային քվեարկության արդյունքներով ՀՀԿ-ն առաջատարն է

Քիչ առաջ ԿԸՀ նախագահ Տիգրան Մուկուչյանն ամփոփեց 2017 թվականի ԱԺ ընտրությունների էլեկտրոնային քվեարկության արդյունքները:

Տիգրան Մուկուչյանի խոսքով` էլեկտրոնային տարբերակով քվեարկողների ընդհանուր թիվը կազմում է 877, քվեարկությանը մասնակցել են 747 քաղաքացի: 37 քվեաթերթիկ ճանաչվել է անվավեր:

Մուկուչյանը ներկայացրեց` որ քաղաքական ուժի օգտին որքան կողմ քվեարկություն է գրանցվել:

«Ելք» դաշինքին կողմ է քվեարկել 52 ընտրող, «Ազատ դեմոկրատներ»-ին՝ 6 ընտրող, «Հայկական վերածնունդ»-ի օգտին 3 ընտրող , «Ծառուկյան» դաշինքի` 73, Կոնգրես-ՀԺԿ դաշինքի՝ 2,ՀՀԿ-ի օգտին 529 ընտրող, Կոմունիստական կուսակցության օգտին` 3, ՕՐՕ-ի օգտին` 17 հոգի, ՀՅԴ-ի օգտին 25 ընտրող: