Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Ոստիկանությունը հաղորդում է ստացել այն մասին, որ Վահագնի թաղամասի տներից մեկում հունվարի 26-ի գիշերը ժամը 3-ի սահմաններում, գողության փորձ է կատարվել։ Հաղորդում տվողը տան տերն է եղել, որը հայտնել է, որ փախուստի պահին գողերից մեկին բռնել է։
Գողերը որպես թիրախ էին ընտրել թաղամասի անավարտ տներից մեկը, որը շրջապատված է կիսակառույց և դատարկ տներով։
Ոստիկանները պարզել են, որ խմբով են գործել, կոտրել են ննջասենյակներից մեկի ապակին, բայց չէին հասցրել ներս մտնել: Տանտերերի կողմից բռնված գողին բերման են ենթարկել ոստիկանություն: Պարզվել է, որ նա նախկինում մի քանի անգամ դատապարտված 22-ամյա Հարություն Տ.-ն է:
Նա խոստովանել է, որ պատոհանի ապակին կոտրել է, որ ներս մտնի եւ գողություն կատարի, բայց ձայներ է լսել եւ փորձել է փախչել, բայց չէր ստացվել:
Դեպքից օրեր առաջ էլ ոստիկանության Մաշտոցի բաժնում բնակարանային գողության նախապատրաստման վերաբերյալ նյութեր կային: Այստեղ էլ դիմակավորված երեք մարդ փորձել են տուն մտնել, սակայն երբ վրա են հասել բնակիչներն ու անվտանգության աշխատակիցները, եռյակը փախուստի է դիմել: Կասկածյալների մեջ է եղել նաեւ Հարություն Տ.-ն:
Նույն օրը ոստիկանները գողության կասկածանքով բերման են ենթարկել նաեւ 27-ամյա Վահագն Հ.-ին: