Հայրը կախված է գտել 17-ամյա որդուն

Գիշերը ողբերգական դեպք է տեղի ունեցել Արարատի մարզի Զանգակատուն գյուղում` հայրը ննջասենյակում կախված է հայտնաբերել 17-ամյա որդուն:

Yerkir.am-ի հետ զրույցում Զանգակատուն գյուղի գյուղապետ Էմին Սահակյանը նշեց, որ 17-ամյա Արման Թադևոսյանը Մոնթե Մելքոնյան վարժարանի նախկին սան է, իսկ այժմ սովորում է գյուղի դպրոցում. Արմանն այս տարի ավարտում էր դպրոցը։

«Ոչ ոք չգիտի պատճառը, բոլորս էլ ապշած ենք: Խոսել եմ տղայի հոր և մոր հետ` երկուսն էլ ասում են, որ որևէ լուրջ խնդիր տղան չի ունեցել: Հոգեկան խնդիրներ էլ չուներ տղան, չգիտեմ: Արմանի մայրն ու հայրն ամուսնալուծված են, և նա ապրում էր հոր ու տատիկի հետ»,-ասաց Սահակյանը:

Նա նշեց նաև, որ տղան ինքնասպանություն գործելուց առաջ որևէ գրություն չի թողել.«Գործի հետ կապված քննություն է գնում, տեսնենք` միգուցե մի բան պարզվի»: