Կրակոցներ՝ Հարավարևմտյան թաղամասում

Այսօր առավոտյան կրակոցներ են հնչել Երևանի Հարավարևմտյան թաղամասում:

Yerkir.am-ին ոստիկանությունից հայտնեցին, որ առավոտյան` ժամը 9:11-ի սահմանում, ոստիկանություն ահազանգ է ստացվել, որ Անդրանիկի փողոցում՝ «Կայզեր» սուպերմարկետի մոտ, կրակոցներ են հնչել: Դեպքի վայր մեկնած օպերատիվ խումբը պարզել է որ դիմակավորված անձը ավազակային հարձակման փորձ է կատարել տարադրամի կետի վրա:

Նախնական տեղեկություններով` անհայտ անձն արձակել է երեք կրակոց, սակայն նրան չի հաջողվել գումար վերցնել, ինչից հետո և դիմել է փախուստի:

Այս պահին ոստիկանության համապատասխան ստորաբաժանումները միջոցառումներ են ձեռնարկում հանցագործությունը բացահայտելու համար: