Փոխարժեքներ 22 10 2024
USD	⚊	$ 387.16
EUR	⚊	€ 419.99
RUB	⚊	₽ 4.03
GBP	⚊	£ 504.2
GEL	⚊	₾ 142.18

կարևոր

«Հայաստան» խմբակցությունը չի մասնակցելու ԱԺ-ում Կանոնակարգի քննարկմանը և քվեարկությանը. հայտարարություն
13 ժամ առաջ Քաղաքական
Վրաստանն ընտրության առաջ
14 ժամ առաջ Տարածաշրջան
Հայ դատի հանձնախումբը Եվրոպական Խորհրդարանում ստորագրահավաք է սկսել
14 ժամ առաջ Քաղաքական
Մոլդովան չի անցել ժողովրդավարության թեստը․ Վրաստանի վարչապետ
14 ժամ առաջ Աշխարհ
Ասում եք՝ ՀՀ տարածքից հանձնում չի եղել, լավ, լո՞ւրջ եք ասում․ Գառնիկ Դանիելյանը՝ փոխվարչապետին
15 ժամ առաջ Քաղաքական
Ստացվում է, որ ինչ անում եք Ադրբեջանի պահանջներին է համապատասխանում․ Քրիստինե Վարդանյանը՝ Մհեր Գրիգորյանին
15 ժամ առաջ Քաղաքական
Ադրբեջանում լավ գիտակցում են, որ իշխանության փոփոխությամբ քաղաքական նոր բովանդակություն կգա․ մենք դեռ ռեսուրսներ ունենք մեզ թափ տալու․ Լիլիթ Գալստյան
15 ժամ առաջ Քաղաքական
Հատվածային սահմանազատման ժամանակ Ադրբեջանը ստանալու է իր ուզածը և հետո ասելու է՝ եկեք դադարեցնենք գործընթացը․ Էլինար Վարդանյան
15 ժամ առաջ Քաղաքական
Ժողովրդական խոսքով ասեմ՝ սա փաստաթուղթ է նաղդի ու նիսյայի մասին, կտոր-կտոր Բաքվի պահանջներն եք կատարելու․ Գեղամ Մանուկյան
15 ժամ առաջ Քաղաքական
Պետության տասնամյակների ապագայի հարց է որոշվում, մարդու միակ հիմնավոր փաստարկը իր կարծիքն է ու թշնամու սպառնալիքները․ ադրբեջանագետ
15 ժամ առաջ Քաղաքական

0 դիտում,

8 տարի առաջ - 2016-09-23 19:40

Հասարակություն

Ամենայն հայոց կաթողիկոսն այցելել է ծննդատներ

Սեպտեմբերի 23-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն այցելել է Էջմիածնի և Երևանի ծննդատներ` հայրապետական իր օրհնությունը բերելու նորածիններին ՀՀ անկախության 25-րդ տարեդարձի առիթով:
Ինչպես հայտնում են Մայր Աթոռի տեղեկատվական համակարգից, Երևանում Ամենայն Հայոց Հայրապետը ՀՀ Առողջապահության նախարարի պաշտոնակատար Արմեն Մուրադյանի ուղեկցությամբ այցելել է Հանրապետական կլինիկական ծննդատուն:
Ծննդատան առջև Գարեգին Բ Հայրապետին դիմավորել է ծննդատան բուժանձնակազմը` գլխավոր բժիշկ, ՀՀ ԱՆ գլխավոր մանկաբարձ-գինեկոլոգ, ՀՀ ԳԱԱ թղթակից անդամ Ռազմիկ Աբրահամյանի գլխավորությամբ:
Ամենայն Հայոց Կաթողիկոսը նախ այցելել է ծննդատան նորածնային բաժին, ուր աղոթք է արել և օրհնել հոբելյանական այս օրերին ծնված մանուկներին: Ապա Վեհափառ Հայրապետը զրուցել է երիտասարդ մայրերի հետ` նրանց բերելով իր օրհնությունն ու գնահատանքը: Գարեգին Բ Կաթողիկոսը շնորհավորել և մասնավոր իր օրհնությունն է փոխանցել նաև Մարիամ Թունյանին, ով ՀՀ ԱՆ պերինատոլոգիայի, մանկաբարձության և գինեկոլոգիայի ինստիտուտում սեպտեմբերին քառյակ է լույս աշխարհ բերել:
Այնուհետև Ամենայն Հայոց Կաթողիկոսը զրույց է ունեցել ՀՀ Առողջապահության նախարարի պաշտոնակատարի, ծննդատան գլխավոր բշժկի և բուժանձնակազմի հետ: Նորին Սրբությունը, կարևորելով բժշկի առաքելությունը, իր գնահատանքն է հայտնել ամենքին իրենց ազգօգուտ և նվիրյալ ծառայության համար:

Ամենայն Հայոց Կաթողիկոսն այցելել է նաև Հանրապետական կլինիկական ծննդատան շրջափակում գտնվող մատուռ, ուր աղոթք է բարձրացրել Հայրենիքի անսասանության և նորածինների խաղաղ ու բարօր կյանքի համար: Այցի առթիվ Նորին Սրբությունը մատուռին նվիրեց Ս. Աստվածածնի սրբանկար:

Նույն օրը Գարեգին Բ Կաթողիկոսն եղել է Էջմիածին քաղաքի Կենտրոնական հիվանդանոցի ծննդատանը:

Գլխավոր բժիշկ Լիլիթ Գասպարյանի ուղեկցությամբ Նորին Սրբությունն այցելել է նորածիններին և նրանց մայրերին, օրհնել է և աղոթել նրանց քաջառողջության և երջանկության համար: Վեհափառ Հայրապետը ծանոթացել է նաև ծննդատան պայմաններին:
Ծննդատներ այցի ընթացքում Ամենայն Հայոց Կաթողիկոսի անունից Մայր Աթոռի Սոցիալական ծառայությունների գրասենյակի և ԵՀԽ Կլոր Սեղան միջեկեղեցական բարեգործական հիմնադրամի կողմից բոլոր նորածիններին ու նրանց մայրերին բաշխվել են նվերներ:
Նորին Սրբությանն ուղեկցում էին Արարատյան Հայրապետական թեմի Առաջանորդական փոխանորդ Գերաշնորհ Տ. Նավասարդ արքեպիսկոպոս Կճոյանը, Մայր Աթոռի դիվանապետ Գերաշնորհ Տ. Արշակ եպիսկոպոս Խաչատրյանը, Մայր Աթոռի Սոցիալական ծառայությունների գրասենյակի տնօրեն Տ. Մարկոս քահանա Մանգասարյանը և Կլոր Սեղան հիմնադրամի տնօրեն դոկտոր Կարեն Նազարյանը: