Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հայաստանի պետական մանկավարժական, Հայաստանի պետական տնտեսագիտական, Վանաձորի պետական և Գորիսի պետական համալսարաններում ՏԵՄՊՈՒՍ-ի MAHATMA ծրագրի շրջանակներում «Կրթության կառավարում» մասնագիտության կրթական ծրագրի մոնիտորինգ է իրականացվում:
Նպատակն է տեղում ծանոթանալ 2015թ. իրականացված ծրագրային փորձաքննության արդյունքում առկա թերությունների վերացման ուղղությամբ մատուցված խորհրդատվությունների իրականացման ընթացքին:
Մոնիտորինգային խմբում ընդգրկված են «Մասնագիտական կրթության որակի ապահովման ազգային կենտրոն» հիմնադրամի (ՈԱԱԿ) տնօրեն Ռուբեն Թոփչյանը, Հիմնադրամի ինստիտուցիոնալ և ծրագրային հավատարմագրման բաժնի ավագ մասնագետ Վարդուհի Գյուլազյանը, ՈԱԱԿ փորձագետ Կարեն Գրիգորյանը, Վրաստանի Սևծովյան միջազգային համալսարանից փորձագետ Գոդերձի Բուչաշվիլին, ՄԹ. Միդլսեքս համալսարանից փորձագետներ Ջորջ Դաֆոուլասը և Քրիստիանո Մայան:
Մոնիտորինգի ընթացքում խումբը հանդիպումներ է ունենում բուհերում կրթական ծրագրի պատասխանատուների, պրոֆեսորադասախոսական կազմի, ուսանողների և շրջանավարտների հետ, ինչպես նաև ուսումնասիրում է փաստաթղթերը:
Հայաստանյան բուհերում մոնիտորինգն ավարտելուց հետո խումբն ուսումնասիրություն կիրականացնի նաև ծրագրի շահակից վրաստանյան 4 բուհերում: