Լևոն Մնացականյանը Սերժ Սարգսյանին ներկայացրել է ապրիլյան գործողություններից հետո ստեղծված օպերատիվ-մարտավարական իրադրությունը

Հայկական երկու հանրապետությունների փոխհամագործակցության ծրագրի շրջանակում հունիսի 22-ին աշխատանքային այցով Արցախ ժամանած ՀՀ նախագահ Սերժ Սարգսյանը՝ ԼՂՀ նախագահ Բակո Սահակյանի ուղեկցությամբ այցելել է շփման գծի հարավային ուղղությամբ տեղակայված մարտական հենակետեր, շփվել տեղի հրամանատարության ու զինծառայողների հետ:

Այնուհետև բանակի շտաբում տեղի է ունեցել հանդիպում բանակի բարձրաստիճան հրամկազմի ներկայացուցիչների հետ, որի ժամանակ զեկույցով հանդես է եկել ԼՂՀ ՊՆ, ՊԲ հրամանատար, գեներալ-լեյտենանտ Լևոն Մնացականյանը: Իր զեկույցում բանակի հրամանատարը մանրակրկիտ ներկայացրել է ապրիլյան մարտական գործողություններից հետո ստեղծված օպերատիվ-մարտավարական իրադրությունը, առաջնագծում կատարված և կատարվող ինժեներական ու ամրաշինական աշխատանքների ընթացքը և անդրադարձել բանակաշինության ոլորտում իրականացվող այլ գործընթացների:

ԼՂՀ ՊՆ մամուլի ծառայություն