Մխիթարյանը մոտ է «Արսենալ» տեղափոխությանը. Sportfakt

Հայաստանի ազգային հավաքականի եւ Դորտմունդի «Բորուսիա»-ի կիսապաշտպան Հենրիխ Մխիթարյանը Գերմանիայի գավաթի եզրափակչից հետո կտեղափոխվի Պրեմիեր լիգա: Այս մասին հայտնում է  «Sportfakt» պարբերականը, հղում անելով իրավիճակին մոտ կանգնած աղբյուրներին:

Աղբյուրի համաձայն հայ ֆուտբոլիստն ամենայն հավանականությամբ կարիերան կշարունակի «Արսենալ»-ում: Ֆուտբոլիստի գործակալ Մինո Ռայոլան արդեն սկսել է բանակցությունները լոնդոնյան թիմի հետ:

«Sportfakt»-ի փոխանցամամբ 27-ամյա ֆուտբոլիստին ցանկանում են ձեռք բերել նաեւ «Մանչեսթեր Սիթի»-ն  ու «Չելսի»-ն, ինչպես նաեւ Թուրինի «Յուվենտուս»-ը:

Ընթացիկ մրցաշրջանում Մխիթարյանն անցկացրել է 51 հանդիպում եւ դարձել է  23 գոլի հեղինակ: